રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સાચકલું મ્હાલ્યાં’તાં
sachakalun mhalyan’tan
પ્રફુલ્લ પંડ્યા
પ્રફુલ્લ પંડ્યા
પિકનિકમાં આપણે પાંચવાર ગ્યાં’તાં
પણ પિકનિકમાં પહોંચ્યાં’તાં એકવાર...
એકવાર આપણે સાચુકલું મ્હાલ્યાં’તાં
સાચુકલું મ્હાલ્યાં’તાં એકવાર
એકવાર આંખોએ જોયું છે એટલે
બસ મેઘધનુષ્ય મનમાં ચીતરાતું
સાચું કહું તો આજ આખું યે આભ
મારી ઉપરથી દૂર સરી જાતું
આભનો ઉમંગ કોઈ મનનો તરંગ થઈ
ઉડતો જોયો છે મેં એકવાર...
એકવાર ઉડે છે જે કોઈ આકાશમાં
એને પાંખોનુ ફૂલ ખીલે
જેને ઉડવાનું ફૂલ ખીલે એ માણસને
એવું કોણ હોય જે ન ઝીલે?
ઝીલેલું હોય જેણે આખું આકાશ
એને આખું આકાશ ગમે એકવાર
સ્રોત
- પુસ્તક : લયનાં ઝાંઝર વાગે (પૃષ્ઠ ક્રમાંક 164)
- સંપાદક : ડૉ. એસ. એસ. રાહી
- પ્રકાશક : પ્રવીણ પ્રકાશન પ્રા. લિ.
- વર્ષ : 2021