રેખ્તા
હિન્દવી
સૂફીનામા
રાજસ્થાની
આ લીલા લીલા લીમડા તળે
થાકેલો કોઈ રાહિયો મળે,
કરાર કેવો કાળજે વળે –
જો આપદાનો ભાગિયો મળે ?
કોમના ગરાસ તો ગયા
મ્હોલના ઉજાસ તો ગયા,
હારીડા તણો લાવતો પતો
સજાત, દીન ખેપિયો મળે!
હલેત દશા, એકલાપણું -
કશો ન લાભ, સાંખવું ઘણું,
માહરા સેતાન રુદેનો
કો ઠારનાર ગોઠિયો મળે!
સ્રોત
- પુસ્તક : વીસમી સદીની ગુજરાતી કાવ્યમુદ્રા (પૃષ્ઠ ક્રમાંક 323)
- સંપાદક : ચન્દ્રકાન્ત શેઠ, યોગેશ જોષી, હર્ષ બ્રહ્મભટ્ટ, ઊર્મિલા ઠાકર
- પ્રકાશક : ગૂર્જર ગ્રંથરત્ન કાર્યાલય
- વર્ષ : 2007