રેખ્તા
હિન્દવી
સૂફીનામા
રાજસ્થાની
નવલરામ લક્ષ્મીરામ પંડ્યા
(સપ્તચેકો ત્રિતાલ)
આજ હોય સાસરે લાડી વિદાય રે,
આશરે, ઈશ તારે.
ઈશ, તું રક્ષણ કરજે રે એનું;
એનું ન અન્ય કો ત્યાંય રે. આશરેo ૧
સાસરી હોય સુંવાળી ઘણેરી;
તોપણ કઠણ કહેવાય રે. આશરેo ર
ગામ અજાણ્યું ને ઠામ અજાણ્યું;
જન અજાણ્યા માંહ્ય રે. આશરેo ૩
ખાવું પીવું પર મરજી પર;
ભૂખે મૂએ ન મગાય રે! આશરેo ૪
નિત્ય નિર્ઝણ કરતાં શીખવાં શું;
આ વ્રત કાઢ્યું વડાય રે? આશરેo પ
બોલવું તો પૂછ્યું, ચાલવું ચાલે રે;
કહેલું જ કરવું સદાય રે. આશરેo ૬
બાર વરસની બાળકીએ ક્યમ;
ઠાવકાં આમ થવાય રે? આશરેo ૭
રમતી કૂદતી હરણીએ તો ક્યમ;
પગલાં ભરાવ્યાં ભરાય રે? આશરેo ૮
લાડે રમેલી કેમ ચરણ મુખ;
ને મન બાંધી મુકાય રે? આશરેo ૯
જીવતાં જડ થઈ પૂતળાં પેઠે;
નચાવ્યાં કેમ નચાય રે? આશરેo ૧૦
જોગી જતિની ન જ્યાં ગતિ ચાલે;
તે કેમ કહો એથી થાય રે? આશરેo ૧૧
થાયે કે નહિ પણ નિશ્ચે કરે છે;
એમ જ સુકોમળ બાળાય રે. આશરેo ૧પ
એથી અધિક કંઈ હોય ત્યારેજ;
નવલ સાસરી નિંદાય રે. આશરેo ૧૩
સ્રોત
- પુસ્તક : બાળ ગરબાવલી (પૃષ્ઠ ક્રમાંક 42)
- સર્જક : નવલરામ લક્ષ્મીરામ પંડ્યા
- પ્રકાશક : વસુમતિ ધીમતરામ નવલરામ
- વર્ષ : 1941
- આવૃત્તિ : 39