સોનેરી શો સુરજ ઉગ્યો વ્યોમે

[ગરબી]

સોનેરી શો સુરજ ઉગ્યો વ્યોમે?

કિરણ કળી વિખરી નભે, ભોમે? ૧

જગમગતિ જ્યોતિ શી ફેલાવે?

નવા નવા રંગ નભે લાવે? ર

ગગન શો ગુલાલ છે ઝળકાવ્યો?

કેસૂડાનો બ્હાર એ ભભકાવ્યો? ૩

કપોત, પારાવત, કંઈ છાયા,

જાંબૂ જામ્યાં, દુધ કંઈ ઉભરાયાં! ૪

દિપે કહિં સ્વસ્તિક, તોરણ કયાં,

પર્વતપર પર્વત કંઈ ઝબક્યા? પ

સોનાં કંઈ ઢોળ્યાં, મેદાને, નદે?

તરંગે સુરંગે ઝગંતાં વધે? ૬

વસંતે હસંતે અનંતે ઝુલે

ઝાકળ મોતી, નવ–પલવ કે ફુલે? ૭

જ્યાં ત્યાં ઈંદ્રજાળ જમાવી દીધી?

હૃદય હરિ મોહિનીં મસ્તી કીધી? ૮

soneri sho suraj ugyo wyome