રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સંધ્યા
sandhya
પ્રાણજીવન મહેતા
પ્રાણજીવન મહેતા
પર્ણરવ મહીં પડઘાતી સીમ સાંભળું.
ગોધૂલીની રજમાં
ઊડતા તારક કંઈ ધૂંધળા
રાત હજુ તો પાદર ઊભી
પીપળ છાંયે ઝાંઝર બાંધે.
ગોખમાં બેઠું મન મરકતું.
દીવાસળીની પેટીમાં પૂરેલું
અજવાળું હલબલતું.
ટહુકો કરી ઊડી ગયેલા મોરના
આંગણ ખરી પડેલા પિચ્છે
હું નભે ચીતરું ચાંદ.
– સૂર્ય હવે તો મારી નજરમાં ખરતું પાંદ.
સ્રોત
- પુસ્તક : કાનોમાતર (પૃષ્ઠ ક્રમાંક 27)
- સર્જક : પ્રાણજીવન મહેતા
- પ્રકાશક : વસંતરાય જી. ચુડગર
- વર્ષ : 1979