રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

વૃક્ષકાવ્યો

ધૂની માંડલિયા

વૃક્ષકાવ્યો

ધૂની માંડલિયા

Roman

માત્ર વૃક્ષો જ નહીં

સાથે

છાંયડો પણ કપાય છે.

પલંગ

ઉપર સૂઉં છું

ને

એક વૃક્ષ

સતત ઊડાઊડ કરે છે

મારી આસપાસ

ઉપર-નીચે

ચોમાસું ક્યારે?

એ જાણવા

વૃક્ષો પંચાંગ નથી જોતાં

દોસ્ત,

ભીંતનું અને વૃક્ષનું

તૂટી પડવું

એકસરખું નથી

વૃક્ષને

જ્યારે પ્રથમ ફળ

બેસે છે ત્યારે

સીમ આખી ઊજવે છે

ઉત્સવ.

વૃક્ષ

સ્રોત

પુસ્તક : ગુજરાતી કવિતા ચયન 1993 (પૃષ્ઠ ક્રમાંક 24)
સંપાદક : ચન્દ્રકાન્ત ટોપીવાળા
પ્રકાશક : ગુજરાતી સાહિત્ય પરિષદ
વર્ષ : 1995