રેખ્તા
હિન્દવી
સૂફીનામા
રાજસ્થાની
વર્ડ્ઝવર્થનું ગ્રાસમિયર
Wordsworth Nu Grasmere
ઉમાશંકર જોશી
ઉમાશંકર જોશી
તડકો અહીં વધુ તડકીલો,
વર્ષા વધુ વર્ષીલી :
તૃણ વધુ હરિત, વ્યોમ વધુ નીલું,
લહરી વધુ લહરીલી.
પતંગિયાં-ફૂલનું ન પૂછો,
હૃદય એય વધુ હૃદય;
કવિશબ્દ-ધબકથી અનુભવાય અહીં
ઈશ્વર અદકેરો ઈશ્વર.
સ્રોત
- પુસ્તક : સમગ્ર કવિતા (પૃષ્ઠ ક્રમાંક 791)
- સર્જક : ઉમાશંકર જોશી
- પ્રકાશક : ગંગોત્રી ટ્રસ્ટ, અમદાવાદ
- વર્ષ : 1981
- આવૃત્તિ : બીજી આવૃત્તિ