રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
તમે સવર્ણ ને હું શૂદ્ર
આપણી વચ્ચેનો સંબંધ
એટલે વાસ!
એક નાક ને એક ગંધ
પણ હોય અસ્પૃશ્ય!
તમે સવર્ણ ને હું શૂદ્ર
આપણી વચ્ચેનો સંબંઘ
એટલે અન્ન!
એક જીભ ને એક સ્વાદ
પણ રહ્યાં અસ્પૃશ્ય!
તમે સવર્ણ ને હું શૂદ્ર
આપણી વચ્ચેનો સંબંઘ
એટલે ઇતિહાસ!
એક પોથી ને એક પાન
પણ રહ્યાં અસ્પૃશ્ય!
તમે સવર્ણ અને હું શૂદ્ર
આપણી વચ્ચેનો સંબોધ
એટલે શબ્દ!
એક પંક્તિ ને એક લય
પણ રહ્યાં અસ્પૃશ્ય!
સ્રોત
- પુસ્તક : દલિત કવિતા સંચય (પૃષ્ઠ ક્રમાંક 132)
- સંપાદક : ગણપત પરમાર, મનીષી જાની
- પ્રકાશક : ગુજરાત લોકાયન
- વર્ષ : 1981