તું આજે યાદ આવી ગઈ

તું આજે યાદ આવી ગઈ

તું આજે યાદ આવી ગઈ.

જાણે, વરસો પછી મુસાફરીમાં

કોઈ જૂનો મિત્ર મળી આવે –

અને/અથવા

પુસ્તકોની ધૂળ ખંખેરતાં

કોઈ કાચી ઉમ્મરની ચિઠ્ઠી મળી આવે –

કદાચ

વરસાદભીની–પીળાં વાદળોની

આ સાંજની હવામાં જ …. કંઈક હતું.

જેણે ઘડીભર મને વિવશ કરી મૂક્યો.

આંગણાની દીવાલ પર થાક ખાતો

પોપટ

લાંબી સફરે...ઊડી ચાલ્યો.

આ હવામાં જ કશુંક હતું

જેણે ઘડીભર મને ભરમાવી મૂક્યો.

બાકી તને જોયે તો….

tu aaje yaad aavi gai