રેખ્તા
હિન્દવી
સૂફીનામા
રાજસ્થાની
સૂરજનાં સાત ઘોડા
surajnan sat ghoda
કમલેશ શાહ
કમલેશ શાહ
સૂરજના સાતમાંથી છ ઘોડાનાં નામ
સરસ્વતીના ચમચાઓને લાંચ આપીને
ચમન જાણી લાવ્યો છે.
ચિંતા, દુઃખ, રોગ, એકવિધતા, શૂન્યતા ને કંટાળો.
સરસ્વતી સુધી લાગવગ લગાવવા છતાં
સાતમા ઘોડાનું નામ
ચમનને જાણવા મળ્યું નથી.
સૂરજના એ સાતમા ઘોડાનું નામ
સુખ હશે, એમ માનીને
ચમન જીવ્યે રાખે છે.
સ્રોત
- પુસ્તક : બરફમાં મેઘધનુષ (પૃષ્ઠ ક્રમાંક 41)
- સંપાદક : ડૉ. જયંત મહેતા, પ્રીતમ લખલાણી
- પ્રકાશક : ઈમેજ પબ્લિકેશન્સ પ્રા. લિ.
- વર્ષ : 2001