તે સાંજે

જયદેવ શુક્લ

તે સાંજે

જયદેવ શુક્લ

તે

જાંબુકાળી વરસાદી સાંજે

બિલ્લીપગે આવી

તેં

દાબી દીધી હતી

મારી આંખો,

ખળખળતી હથેળી વડે.

ઉષ્ણ સુવાસનો

રેલો

વહ્યો હતો

કાન પર થઈને

ખરબચડા ગાલ પર.

ત્યારે

ચંપાયાં હતાં

ફળોની સુવાસ જેવાં

સ્તનો.

કોરા વાંસા પર

કોતરાયેલા ગોળાર્ધોમાં

પાંખો ફફડાવે છે

સળવળતી માછલીઓ.

સ્રોત

પુસ્તક : શબ્દાલય : અંક ૪ : ૧૦ નવેમ્બર, ૨૦૧૪ (પૃષ્ઠ ક્રમાંક 35)
સંપાદક : અંકિત ત્રિવેદી
પ્રકાશક : ગુજરાત સમાચાર શાંતિ પ્રકાશન