જ્યારે એણે પોતાના હોઠ મને અરકાડ્યા ત્યારે

જ્યારે એણે પોતાના હોઠ મારા હોઠ પર ચાંપ્યા

ત્યારે નીવિબંધ સ્વયમેવ ઢીલો થઈ ગયો.

જ્યારે એણે પોતાના હોઠ મારે કંઠે અરકાડ્યા

ત્યારે મારાં વસ્ત્ર આપમેળે મારા પગ પાસે ઢગલો થઈને પડ્યાં.

જ્યારે એણે પોતાના હોઠ મારા સ્તન પર મૂક્યા

ત્યારે, લગભગ બધું જ, સખી,

એનું નામ સુધ્ધાં, એવું તો ભુલાયું જાણે મારાથી

કે હું તો, તારા સમ, કહી શકતી નથી,

(બહુ યત્ન કરું તોપણ) કે

એ પછી

મારા પર કેટકેટલાં કેવાં કેવાં સુખ વરસાવ્યાં

- અને કોણે?

(અનુ. સિતાંશુ યશશ્ચંદ્ર)

jyare aene potaanaa hoth mane arkaadyaa tyaare