રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

સ્પર્શ-અસ્પર્શ

જયેશ સોલંકી

સ્પર્શ-અસ્પર્શ

જયેશ સોલંકી

Roman

એ કદી

સ્પર્શી ન શકી મને

હજાર વાર

હમબિસ્તર બની છતાં

એને

સ્પર્શ કરવો જ નહોતો.

એણે

મારી કવિતા

મારો અભિનય

મારું નામ

મારી તાર્કિક દલીલોને

સ્પર્શી હંમેશાં,

મને કદી નહી !

એને મન

હું

મારા ગંધાતા મોજા જેવો હતો

ચ્હા પીતાં પીતાં આવતા

બેસૂરા અવાજ જેવો હતો

કે

ડાઇનિંગ ટેબલ પર પડેલી

ચમચીઓ વચ્ચેના

એંઠા હાથ જેવો હતો

અસભ્ય

ગામડિયો

દારૂડિયો !