રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
આઠ પાંત્રીસની મેમુ
aanth pantrisni memu
પરેશ દવે 'નિર્મન'
પરેશ દવે 'નિર્મન'
કોઈએ એની નોંધ ન લીધી
ત્યારે એને લાગ્યું કે એ
નિરાકાર છે!
8:35ની ચર્ચગેટથી સેન્ટ્રલ જતી મેમુમાં
કોઈએ ધક્કો માર્યો
ને એણે કશો પ્રતિકાર ના કર્યો
અલબત્ત એણે વિચાર્યું
નિરાકારને અહં ન હોઈ શકે
બધાં આકાર એના પોતાના છે એમ માની
એણે ભીડમાં ટકી રહેવા
હેન્ડલ તરફ હાથ લંબાવ્યો
ને એ સહસ્ત્રહસ્ત થઈ ગયો
એને બોધ થયો
કે ગઈ કાલે એ આમ જ હતું
આજે પણ એ આમ જ છે
આવતી કાલે એ આમ જ રહેવાનું
સર્વકાલીન સત્યના પ્રકાશમાં
એ સેન્ટ્રલ સ્ટેશને સહસ્ત્રશીર્ષ અને
સહસ્ત્રપાદ લઈને ઊતરી પડ્યો.
સ્રોત
- પુસ્તક : ભાવસૂત્ર (પૃષ્ઠ ક્રમાંક 76)
- સર્જક : પરેશ દવે
- પ્રકાશક : શોપિઝન
- વર્ષ : 2022
- આવૃત્તિ : 2