રેખ્તા
હિન્દવી
સૂફીનામા
રાજસ્થાની
રે જાનકી
re janki
ચંદ્રા શ્રીમાળી
ચંદ્રા શ્રીમાળી
ઓ જાનકી! જરી જો, જાનકી!
હજીએ દંડાય નારી તારા થકી....
કાશ! તે કર્યો હોત બળવો
તો કદીય ન લખાત
આવો અવળો ફતવો....
પતિને પગલે-પગલે
વનવગડો બેઠી-વેઠીને
તેં શા કાંદા કાઢ્યા બાઈ?
ચૌદ વરસ પતિની પૂંઠે-પૂંઠે
તું વન-વન રઝળી, વલવલી
તોય તારા પુરુષોત્તમની કાયા
જરીકેય ન હલબલી....
ખરું ઠરાવવા લેબલ મર્યાદાપુરુષોત્તમનું
તને સગર્ભાને, રાખી અંધારે – વનવગડે
તને છેતરી તજાવ્યું રાજરાણીપણું
આ તે કેવું એકપત્નિવ્રત?
તને નજરથી અળગી શીદ કરી?
તને વનમાં રઝળતી કરી
સોનાની પૂતળીને પડખે કરી-
કાશ! તને જ સાથે રાખી હોત તો?
ઘર-ઘર રામાયણ ના ભજવાતું હોત....
