રેખ્તા
હિન્દવી
સૂફીનામા
રાજસ્થાની
શંબુકવધ
shambukwadh
યશવંત વાઘેલા
યશવંત વાઘેલા
આ તુંગભદ્રા
કલ્પાન્ત કરતાં કરતાં
એટલું રડી...
એટલું રડી...
કે તેની અશ્રુધારાઓ
નદી બનીને
હજી આજેય સમુદ્રને મળ્યાં કરે છે.
શંબુક ક્યારેય પાછો નહીં આવે!
છતાં પણ
આ દિગ્મૂઢ રામ હજીયે પીગળતા નથી!
આ તુંગભદ્રાની
નિરાધાર અશ્રુતા
આજેય સમુદ્રને મળ્યાં કરે છે.
હાય! રામ!
સ્રોત
- પુસ્તક : દલિત કાવ્ય સૃષ્ટિ (પૃષ્ઠ ક્રમાંક 202)
- સંપાદક : મોહન પરમાર
- પ્રકાશક : પાશ્વ પબ્લિકેશન
- વર્ષ : 2016