રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પૃથ્વી કેરું સ્વર્ગ શીળી સવાર
prithwi kerun swarg shili sawar
હીરાબેન પાઠક
હીરાબેન પાઠક
સ્વામી ગૃહદેવતા!
..................
ગૃહ મહી પ્રવેશતાંવેંત
આ હું ભાળું છું તે શું?
ચક્ષુચિત્ત એક સંગે
ચાલે નહિ તસુ.
આ અવાવરુ ઘર :
આ ફરસ.
નિત્યે કેવી ઝળહળાં સ્વચ્છ!
કો નિર્મળ વદનશું
પ્રતિબિમ્બિત પદાર્થ રજેરજ.
તે આજ, છાઈ ગઈ
મલિન મ્લાન આવરણરજ:
મહીંથી પ્રકાશી ઊઠી,
જાણે વદે વડું અચરજ.
પરસ્પર ફરશ આ
ગુફ્તગો ગુંજી રહી,
વાચા વડે વિસ્મય વદી રહી.
‘મુજ પરે – મુજ પરે,
ગૃહસ્વામી પદાંકન :’
એવું ધીરું ઘેરું ગીત ગાય.
‘લાવ પગલાં હું
વીણી લઉં – હૈયે ધરું’
એવું મને થાય.
એ જ
લિખિતંગ
ઝૂરતી આ ગૃહિણીના
ઝાઝેરા જુહાર.
સ્રોત
- પુસ્તક : અક્ષરા (પૃષ્ઠ ક્રમાંક 207)
- સંપાદક : યોસેફ મૅકવાન
- પ્રકાશક : નેશનલ બુક ટ્રસ્ટ, ઈન્ડિયા
- વર્ષ : 2007