
તે દિવસે ક્યારીમાં પાણી વાળતા
વિધૂર પિતાજીની આંખોમાં
ઉંચાણે નહિ પલળેલી માટી જેવી
ગોરાડું રેતાળ લાગણીઓ જોઈને
ભૂલી ગયો હતો કાળી ભૂખ...
ઓતરા ચિતરાના નિષ્ઠુર તડકાની
વાઘ જેવી વેળામાં સોનાવરણી ડાંગરનું –
ગાડું ભરતા પિતાજીની એકલતા જોઈને
જલદી જલદી મોટા થવાનું મન થયું હતું...
ખેતર ખેડીને ઘેર આવતા
થાકેલા દિવસના પડછાયાની આંખોમાં
રસોડામાં નહિ સળગેલા ચૂલાનો ખાલીપો
અને તમ્બાકુ પીવાની તલબ :
જોવાતાં – જીરવાતાં ન્હોતાં
મને ખીચડી રાંધતાં ને
‘હુક્કો ભરી આપતાં’ અમસ્થું નથી આવડ્યું!
જે જાણે છે તે જ જાણે છે –
અભાવોના કાફલાઓને આવતા રોકવા
અહોરાત જટાયુની જેમ ઝૂઝતા પિતાને –
વ્હાલ કરવા જેટલો વખત જ નથી હોતો...
ભાવથી ભરપૂર –
પ્રમાણી શકાતા નથી પિતાને
એ તો હોય છે રાખ વળેલો અંગારો
અંદરથી બળબળતો
ખોળો ઝંખતો ટળવળતો તીખારો...
થંભ પીગળે તો ઘર ટકે કેવી રીતે?
– એ લાગણીઓને સમજાતાં વાર લાગે છે!
ભીના વિસ્તારમાં ઝાડને પાણી લાગે છે –
એવા ઝાડની જેમ –
ધીમે ધીમે સુક્કાતા જતા પિતાને મેં જોયા છે...
પડસાળમાં બેઠેલા પિતાજીની આંખોમાં
ઝળઝળિયાં થઈને વહી ગયેલાં વર્ષો જોયાં
હતાં...
મા શું હોય છે? –
એ તો એની હયાતીમાં જ સમજાઈ જાય છે...
પરંતુ
પિતાજી શું હોય છે? –
એ તો એમના ગયા પછી જ
સમજાય તો સમજાય કોઈકને...!!
(૨૮–૦૫–૨૦૦૬)
te diwse kyariman pani walta
widhur pitajini ankhoman
unchane nahi palleli mati jewi
goraDun retal lagnio joine
bhuli gayo hato kali bhookh
otra chitrana nishthur taDkani
wagh jewi welaman sonawarni Dangaranun –
gaDun bharta pitajini ekalta joine
jaldi jaldi mota thawanun man thayun hatun
khetar kheDine gher aawta
thakela diwasna paDchhayani ankhoman
rasoDaman nahi salgela chulano khalipo
ane tambaku piwani talab ha
jowatan – jirwatan nhotan
mane khichDi randhtan ne
‘hukko bhari aptan’ amasthun nathi awaDyun!
je jane chhe te ja jane chhe –
abhawona kaphlaone aawta rokwa
ahorat jatayuni jem jhujhta pitane –
whaal karwa jetlo wakhat ja nathi hoto
bhawthi bharpur –
prmani shakata nathi pitane
e to hoy chhe rakh walelo angaro
andarthi balabalto
kholo jhankhto talawalto tikharo
thambh pigle to ghar take kewi rite?
– e lagnione samjatan war lage chhe!
bhina wistarman jhaDne pani lage chhe –
ewa jhaDni jem –
dhime dhime sukkata jata pitane mein joya chhe
paDsalman bethela pitajini ankhoman
jhalajhaliyan thaine wahi gayelan warsho joyan
hatan
ma shun hoy chhe? –
e to eni hayatiman ja samjai jay chhe
parantu
pitaji shun hoy chhe? –
e to emna gaya pachhi ja
samjay to samjay koikne !!
(28–05–2006)
te diwse kyariman pani walta
widhur pitajini ankhoman
unchane nahi palleli mati jewi
goraDun retal lagnio joine
bhuli gayo hato kali bhookh
otra chitrana nishthur taDkani
wagh jewi welaman sonawarni Dangaranun –
gaDun bharta pitajini ekalta joine
jaldi jaldi mota thawanun man thayun hatun
khetar kheDine gher aawta
thakela diwasna paDchhayani ankhoman
rasoDaman nahi salgela chulano khalipo
ane tambaku piwani talab ha
jowatan – jirwatan nhotan
mane khichDi randhtan ne
‘hukko bhari aptan’ amasthun nathi awaDyun!
je jane chhe te ja jane chhe –
abhawona kaphlaone aawta rokwa
ahorat jatayuni jem jhujhta pitane –
whaal karwa jetlo wakhat ja nathi hoto
bhawthi bharpur –
prmani shakata nathi pitane
e to hoy chhe rakh walelo angaro
andarthi balabalto
kholo jhankhto talawalto tikharo
thambh pigle to ghar take kewi rite?
– e lagnione samjatan war lage chhe!
bhina wistarman jhaDne pani lage chhe –
ewa jhaDni jem –
dhime dhime sukkata jata pitane mein joya chhe
paDsalman bethela pitajini ankhoman
jhalajhaliyan thaine wahi gayelan warsho joyan
hatan
ma shun hoy chhe? –
e to eni hayatiman ja samjai jay chhe
parantu
pitaji shun hoy chhe? –
e to emna gaya pachhi ja
samjay to samjay koikne !!
(28–05–2006)



સ્રોત
- પુસ્તક : સીમાડે ઊગેલું ઝાડવું (પૃષ્ઠ ક્રમાંક 83)
- સર્જક : મણિલાલ હ. પટેલ
- પ્રકાશક : લજ્જા પબ્લિકેશન
- વર્ષ : 2011