રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
તૂટી પડેલા મકાનને જોઈને
tuti paDela makanne joine
વિપિન પરીખ
વિપિન પરીખ
આખી રાત
જળની મૂશળધાર
પવનનો હઠીલો વેગ.
જીર્ણ થઈ ગયેલા મકાનને કાળનો છેલ્લો પ્રહાર!
ઉપર-નીચેના હવે કોઈ નથી ભેદ.
ભીંત વિનાના સાવ ખુલ્લા પડ્યા છે ખંડ.
પહેલે માળે
ડોશીમાની પૂજા, રુદ્રાક્ષની માળા ને કનૈયાનું હાસ,
કાટમાળની હેઠળ હટાઈ ગયાં છે વૃદ્ધનાં શેષ વર્ષ,
તૈયાર છે ઑફિસ જવાનો સૂટ અને ટાઈ,
પણે છતી થઈ ગઈ છે જેઈમ્સ બૉન્ડની બેગ.
ત્રીજે માળેથી
ગબડી પડી છે કંકુની શીશી જેવી સૌભાગ્યવતી,
ખૂણામાં પડેલા પારણાને
પવન ઝુલાવી કોને પોઢાડે છે
હવે આષાઢની વહેલી સવારે!
બીજે માળે તો
ચુપ થઈ ગયેલા ઘડિયાળના
ફાટી ગયા છે ડોળા.
સ્રોત
- પુસ્તક : આશંકા (પૃષ્ઠ ક્રમાંક 75)
- સર્જક : વિપિન પરીખ
- પ્રકાશક : વોરા ઍન્ડ કંપની
- વર્ષ : 1975