રેખ્તા
હિન્દવી
સૂફીનામા
રાજસ્થાની
પરિવર્તન
pariwartan
ગોવિંદ પરમાર
ગોવિંદ પરમાર
ગઈ કાલે
પેલા ચાબૂકે
પેલી લાચાર ઉઘાડી પીઠો પર
ચીતરી ગીધેલાં સાપોલિયાં
માંસના દરમાં પડ્યાં પડ્યાં
ઝેરી સાપો બની ચૂક્યાં છે આજે
ઝેરી સાપો બની ચૂક્યાં છે આજે
અને આજે જ
પેલી સડકના કિનારે
અસંખ્ય પથ્થરો ઉથલાવીને
મધ્યાહ્ને
રોટલો ખાવા બેઠેલા મજૂરની ઉઘાડી પીઠ પર
સૂકાયેલાં પ્રસ્વેદ બિંદુઓની છારીથી
અંકિત થયેલો ‘પરિવર્તન’ શબ્દ
સ્પષ્ટ વાંચી શકું છું હું.
હવે મારે
આવતી કાલની રાહ જોઈ બેસી રહેવાનું છે
પણ...
આવતી કાલની રાહ જોઈ બેસી રહેવાનું છે
પણ...
આવતી કાલની પરંપરા ન સર્જાય તો સારું.
દૂર દૂર
મારી નજર બહારની કોઈ આવતી કાલ
મારા વૃદ્ધત્વને લઈ આવી પહોંચે તે પહેલાં-
પેલા ચાલાક મદારીઓ
પેલા સાપોને વિષહીન કરી દેશે તો-
ફરી કદીયે આ ધરા પર
ન અવતરવાની પ્રતિજ્ઞા સાથે
મારા વૃદ્ધત્વને ફાળે આવનારી
મારી તમામ આવતી કાલને હણી નાખીશ હું!
સ્રોત
- પુસ્તક : વિસ્ફોટ (પૃષ્ઠ ક્રમાંક 3)
- સંપાદક : ચંદુ મહેરિયા
- પ્રકાશક : દલિત સાહિત્ય સંઘ
- વર્ષ : 1984