રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પક્ષીઓ ઊડી આવશે
pakshio uDi awshe
મહેન્દ્રસિંહ જાડેજા
મહેન્દ્રસિંહ જાડેજા
તમે થોભો
હું મારાં પગલાંઓને કહું
કે એ ચાલ્યાં આવે
નહિ તો રાતે રસ્તો જડશે નહિ
અને
સમયને મારાં પગલાં ખોવાઈ જવાની
ચિંતા થયા કરશે.
અને જુઓ
ફૂલો કરમાય નહિ
સૂરજને કોઈ ડુંગરાની પાછળ
રહેવાનું કહેજો.
અને કોઈ પંખી આવે તો એને
મારું પેલું ખેતરના ઊભા મોલ જેવું
હરિયાળું ગીત સંભળાવજો.
પતંગિયાં ફૂલો સાથે
વાતો કરવા આવશે
એ સાંભળજો.
અને
મને આવતાં જો વાર લાગે તો
મારું પેલું
ખેતરના ઊભા મોલ જેવું
હરિયાળું ગીત
તમે ફરીથી ગાજો.
પક્ષીઓ ઊડી આવશે....
સ્રોત
- પુસ્તક : પક્ષીઓ ઊડી આવશે (પૃષ્ઠ ક્રમાંક 56)
- સર્જક : મહેન્દ્રસિંહ જાડેજા
- પ્રકાશક : હરદેવસિંહ જાડેજા