રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

બે વૃક્ષ-કાવ્યો

પ્રભુ પહાડપુરી

બે વૃક્ષ-કાવ્યો

પ્રભુ પહાડપુરી

Roman

એક

હા,

એને પણ

પોતાનો સાથ છોડી

ઊડી જતા પક્ષીને નિહાળી

દુઃખ થયું હશે!

કિન્તુ

પક્ષીના માળાને

વેરવિખેર કરી નાખવાનો વિચાર

વૃક્ષને ક્યારેય આવ્યો નથી.

કદાચ

તેથી જ

સૂર્યાસ્ત પહેલાં કિલ્લોલ કરતાં

વૃક્ષ ભણી પાછાં ફરે છે

પખીઓ

બે

વૃક્ષ જેમ જેમ ઊંચે વધે છે

તેમ તેમ

આકાશને નીચે ઊતરતું મેં જોયું છે.

સ્રોત

પુસ્તક : ગુજરાતી કવિતાચયન 1991 (પૃષ્ઠ ક્રમાંક 39)
સંપાદક : હર્ષદ ત્રિવેદી
પ્રકાશક : ગુજરાતી સાહિત્ય પરિષદ
વર્ષ : 1992