રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
હે મારા સહધર્મકર્મચારીઓ
he mara sahdharmkarmchario
સરુપ ધ્રુવ
સરુપ ધ્રુવ
આ આપણે...
એક્કકો ટાપુ બનાવીને બેસી ગયા છીએ.
આ જુઓને,
એ તો મને આવડે–કરીને!
કક્કોબારાખડીની જીગસો પઝલ
હાથમાંથી સરકી સરકીને
ક્યારે રેતી, માટી, કંકર, પથ્થર બની ગઈ એનીયે સરત ના રહી!
આ પેલે ખૂણે ઊગી ગયા આઠવીસું આંબા
અને સામે ખૂણે જુઓ તો
અડીખમ ડુંગર...
ઢળકતા ઢાળ ઉપર
ધરોની જેમ ફૂટી નીકળ્યાં ઘર
અને પછી તો અડાબીડ ભીંતો
અને ઉપર છત-છાપરાં...
આ તમારો,
ને આ મારો ખૂણો!
જો થઈ છે!
આમ માંડીને વાત કરવાનો
એકેકો તરાપોય તૈયાર ચે આપણી પાસે.
એ તો ઠીક છે કે હાલે ત્યાં સુધી તો કે’ હલામણ જેઠવો!
પણ ન કરે...ને કૈંક થાય ને આ ટાપુ
તડકે તપવા આડો પડેલો મગરમચ્છ જ નીકળી પડે તો?!
પળવારમાં પાણીમાં ડૂબકી
અને ક્વચિત્ ઊછળતો કુવારો...
આ હું-તમે-એ-તે-બધાંય તે...
સ્રોત
- પુસ્તક : મારા હાથની વાત (પૃષ્ઠ ક્રમાંક 91)
- સર્જક : સરૂપ ધ્રુવ
- પ્રકાશક : આર. આર. શેઠની કંપની
- વર્ષ : 1982