રેખ્તા
હિન્દવી
સૂફીનામા
રાજસ્થાની
ઓળખ
olakh
યશવંત વાઘેલા
યશવંત વાઘેલા
અહીં
મારી ઓળખ
તે લોકો પાસે છે
છતાં પણ
અજાણતાં પૂછે છે
કોઈ મને:
તમે કોણ છો?
હું કહું છું,
આ માથું શંબુક છે.
આ હાથ એકલવ્ય છે,
આ હૃદય કબીર છે,
હું સત્યકામ જાબાલી છું.
છતાં પણ
આ પગ હજીય શુદ્ર છે.
પણ,
આજે હું એક માણસ છું
તે શું ઓછું છે!?
અને તમે–?
સ્રોત
- પુસ્તક : દલિત કાવ્ય સૃષ્ટિ (પૃષ્ઠ ક્રમાંક 209)
- સંપાદક : મોહન પરમાર
- પ્રકાશક : પાશ્વ પબ્લિકેશન
- વર્ષ : 2016