
એક શબ્દ
માત્ર એક શબ્દ પણ
જો યાદ આવી જાય
તો એ આખું ગીત
મળી જાય પાછું મને
આમ
એનું ખોવાઈ જવું
ને આમ
એનું સતત હોવું
સંકેતોના ઢગલા વચ્ચે
પજવી રહ્યું છે ક્યારનું
સ્રવી રહ્યું છે
અદૃશ્ય સ્રોતથી ક્યારનું
ફંફોસતી હું
ફરી રહી છું બેબાકળી
હું સાંભળતી, ગાતી
ગાયિકાની જોડે
રેડિયો મોટો કરીને
કોણ એ લતા આશા કે ગીતા
બસ એટલુંય યાદ આવી જાય
તો મળી જાય ગૂગલથીય
એ ગીતમાં હું મહાલતી
હિરોઇનની જેમ
એ હિરોઇન પણ યાદ આવી જાય તો...
બસ, એક ચાવી જોઈએ
એક સંકેત જોઈએ
અર્થનો વિસ્તાર તો છવાયેલો છે
આ ક્ષણે એ ગીતનો
પણ ગૂગલમાં રિવર્સ શક્ય નથી
આમ એનું ખોવાઈ જવું
ને તોય વાગ્યા કરવું
સ્વર, શબ્દ કે સંગીત વિના
કોઈ મસમોટા દુઃખની પાછળથી
ને એ દુઃખ પણ
હાથમાં નથી આવતું
ek shabd
matr ek shabd pan
jo yaad aawi jay
to e akhun geet
mali jay pachhun mane
am
enun khowai jawun
ne aam
enun satat howun
sanketona Dhagla wachche
pajwi rahyun chhe kyaranun
srwi rahyun chhe
adrishya srotthi kyaranun
phamphosti hun
phari rahi chhun bebakli
hun sambhalti, gati
gayikani joDe
reDiyo moto karine
kon e lata aasha ke gita
bas etlunya yaad aawi jay
to mali jay gugalthiy
e gitman hun mahalti
hiroinni jem
e hiroin pan yaad aawi jay to
bas, ek chawi joie
ek sanket joie
arthno wistar to chhawayelo chhe
a kshne e gitno
pan gugalman riwars shakya nathi
am enun khowai jawun
ne toy wagya karawun
swar, shabd ke sangit wina
koi masmota dukhani pachhalthi
ne e dukha pan
hathman nathi awatun
ek shabd
matr ek shabd pan
jo yaad aawi jay
to e akhun geet
mali jay pachhun mane
am
enun khowai jawun
ne aam
enun satat howun
sanketona Dhagla wachche
pajwi rahyun chhe kyaranun
srwi rahyun chhe
adrishya srotthi kyaranun
phamphosti hun
phari rahi chhun bebakli
hun sambhalti, gati
gayikani joDe
reDiyo moto karine
kon e lata aasha ke gita
bas etlunya yaad aawi jay
to mali jay gugalthiy
e gitman hun mahalti
hiroinni jem
e hiroin pan yaad aawi jay to
bas, ek chawi joie
ek sanket joie
arthno wistar to chhawayelo chhe
a kshne e gitno
pan gugalman riwars shakya nathi
am enun khowai jawun
ne toy wagya karawun
swar, shabd ke sangit wina
koi masmota dukhani pachhalthi
ne e dukha pan
hathman nathi awatun



સ્રોત
- પુસ્તક : ચપટીક અંધકાર (પૃષ્ઠ ક્રમાંક 54)
- સર્જક : અશ્વિની બાપટ
- પ્રકાશક : સાયુજ્ય પ્રકાશન
- વર્ષ : 2020