રેખ્તા
હિન્દવી
સૂફીનામા
રાજસ્થાની
તમે એમ માનો છો કે
આ પથ્થરબાજી કરવા તલપાપડ ઊભેલા
ટોળાના હાથમાં પથ્થર છે?
ના ર્રે ના,
એ તો શાપિત અહલ્યા છે.
તમે એમ માનો છો કે
આ ચર્ચગેટથી વિરાર જતી
ફાસ્ટ લોકલમાં
લટકનારાઓ માણસ તરીકે ઓળખાય છે?
ના ર્રે ના,
એ તો ટ્રાન્સફરેબલ ગુડ્ઝ છે.
જો તમે એમ માનતા હો
કે હું માનું છું તો માનો.
પણ તમને ખબર છે?
એક દિવસ આપણે બધાં
આ શહેરના કબ્રસ્તાનમાં ઊભાં ઊભાં
આ સવાલ પૂછીશું
“આ લાશને દાટવી છે
બોલો, સ્કવેરફીટના શું ભાવ છે?”
સ્રોત
- પુસ્તક : આધુનિક ગુજરાતી કવિતા (પૃષ્ઠ ક્રમાંક 110)
- સંપાદક : સુરેશ દલાલ, જયા મહેતા
- પ્રકાશક : સાહિત્ય અકાદમી
- વર્ષ : 1989