मूकं करोति...

मूकं करोति...

ધાબું છે.

મકાનનું ધાબું છે.

ચણ છે.

હાથમાં કબૂતરો માટે ચણ છે.

કબૂતરો છે.

ચણ માટે ઊડાઊડ કરતાં કબૂતરો છે.

સીડી છે?

ધાબા પર જવા માટે સીડી છે?

ભેંસ છે.

મરવા વાંકે જીવતી ભેંસ છે.

ડોળા છે.

લોહીલુહાણ ડોળા છે.

ચાંચ છે.

તીણીતીણી ચાંચ છે.

પથ્થર છે?

કાગડો ઊડાડવા માટે પથ્થર છે?

બપોર છે.

ધોમધખતો બપોર છે.

તરસ છે.

બળબળતી તરસ છે.

પરબ છે.

પાણીની પરબ છે.

ચરણ છે?

પરબ સુધી જવા માટે ચરણ છે?

સીડી છે-

ધાબા પર જવા માટે?

પથ્થર છે-

કાગડો ઊડાડવા માટે?

ચરણ છે-

પરબ સુધી જવા માટે?

વાચા છે-

'સીડી', 'પથ્થર', 'ચરણ',

ઉચ્ચારવા માટે-

વાચા છે???

Mukam Karoti...