રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

હું તારી ઋણી નથી

લતા હિરાણી

હું તારી ઋણી નથી

લતા હિરાણી

હું તારી ઋણી નથી

પત્રથી મિલન સુધી પાંગરેલી ક્ષણોને સભર બનાવવા માટે

હું તારી ઋણી નથી

મારી ઊર્મિલતાને તારા ખોબામાં ઝીલી લેવા માટે

હું તારી જરાય ઋણી નથી

મને હંમેશા ક્ષિતિજ બતાવવા માટે

હું તારી સ્હેજ પણ ઋણી નથી

મને ભરચક પ્રેમ આપવા માટે

પણ હવે કદાચ છું

હા, પૂરેપૂરી ઋણી છું

એકલાં કેમ જીવાય એ શીખવવા માટે.

સ્રોત

પુસ્તક : ઝળઝળિયાં (પૃષ્ઠ ક્રમાંક 1)
સર્જક : લતા હિરાણી
પ્રકાશક : પ્રવીણ પ્રકાશન
વર્ષ : 2015