રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
માટી ન ઊકલી
mati na ukli
કાનજી પટેલ
કાનજી પટેલ
અનંત અગાધમાં ઊતર્યાં
સૂર્યતારાનક્ષત્ર આકાશગંગાનાં નામઠામ પાડ્યાં
વીણ્યાં ને ગણ્યાં એ બધાં
સરવરમાં સજાવ્યાં
સૌ પાણી પારખ્યાં
વાયુ વલોવ્યા
અંગારવાયુનાં માખણ કીધાં
ભરમ ખોલ્યા
ભરમાંડ ગાયાં
કાળાં બાકોરાંનાં જલમમરણ વાંચ્યાં
એક વેળા માટી અને આકાશ એક હતાં
ઉફરા ગયેલા આકાશને ભજ્યું
હવે આકાશને જ ગાઈ સંભળાવીએ
આકાશબાપા,
અમને
એક આ
ધરતીની શેર માટી ન ઊકલી
સ્રોત
- પુસ્તક : ધરતીનાં વચન (પૃષ્ઠ ક્રમાંક 4)
- સર્જક : કાનજી પટેલ
- પ્રકાશક : પૂર્વપ્રકાશ, વડોદરા
- વર્ષ : 2012