રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મારા હાથ
mara hath
અશ્વિન જાની
અશ્વિન જાની
મારા હાથ ખૂબ ગમે છે મને,
હાથની દસ આંગળીઓ,
હૃદય જેટલી જ વહાલી લાગે છે મને
હાથથી જમું છું,
હાથથી લખું છું,
હાથથી બટન બીડું છું,
પણ
આ હાથ
હવામાં વીંઝી શકાતા નથી,
વળી આંગળીઓથી મુઠ્ઠી વાળી શકાતી નથી.
મારા આ હાથ
પેલા ભ્રષ્ટાચારી પ્રધાનની ડોક મરડી શકતા નથી,
પેલા કાળાબજારિયાને મારી શકતા નથી.
આ હાથ
મારા આ હાથ
મારા બન્ને હાથને
લકવો થઈ જાય તો સારું!
મારી દસેય આંગળીઓ
કપાઈ જાય તો સારું!
સ્રોત
- પુસ્તક : દલિત કવિતા સંચય (પૃષ્ઠ ક્રમાંક 135)
- સંપાદક : ગણપત પરમાર, મનીષી જાની
- પ્રકાશક : ગુજરાત લોકાયન
- વર્ષ : 1981