લોઢી રાતીચોળ છે

લોઢી રાતીચોળ છે

ખાણ કારખાનાં ડામર સડક રોલર

પડખે ચરીમાં કાળા દોરડાં ભીડવે

ગળી જાય

બાણું લાખ માળવાના ધણીને

પેટમાં ખટાશ ઊલળે છે

પડખેનો યાત્રી

ત્રાંસી નજરે

લંગોટી પાઘડી એંઠી મૂછ

ટૂંટિયું બાઇ વખરીનાં પોટલાં

કરોળતાં બાળને તાકી

ઊભાં ને ઊભાં ધીકાવે છે

બિરસા,

જગ દોડ્યો છું

પીંડીઓ તતડે છે

તારો દશમન ગોરો

મારી સામે કાળોગોરો

આ ઘંટુડી ફરતી નથી

કૂકડિયાં ગાણાં ગાઉં છું

હરો પીઉં છું

ભંગોરિયા મેળે મ્હાલું છું

મોશેટીના બુંધે જાળાં બાઝ્યાં છે

કથરોટ ખાલી છે

લોઢી રાતીચોળ છે

રસપ્રદ તથ્યો

હરો = દારૂ; ભંગોરિયા = આદિવાસી મેળો, જ્યાંથી યુવકયુવતી પરણવા માટે ભાગી જાય; મોશેટી = અનાજની કોઠી.

lodhii raatiichol chhe