રેખ્તા
હિન્દવી
સૂફીનામા
રાજસ્થાની
ઉદયન ઠક્કર
મને થયું લાવ દીકરીને શીખવું :
કુટુંબ એટલે શું?
હું માંડ્યો પૂછવા
‘તારું નામ શું?’
‘ઋચા... ઠક્કર’
‘બકી કોણ કરે?’
‘મમ્મી... ઠક્કર’
‘પાવલો પા કોણ કરે?’
‘પપ્પા... ઠક્કર’
ત્યાં તો સાઇકલ પર કપડાંની ગઠરી મૂકી
ટ્રીન... ટ્રીન... કરતું કોઈ આવ્યું
દીકરીનો ચહેરો થયો ઊજળો!
‘ધોબી... ઠક્કર!’
ચોખાના દાણાથી હાઉસફૂલ થઈ જાય એવું પંખી
હવામાં હીંચકા લેતું હતું
દીકરીએ કિલકાર કર્યો
‘ચક્કી... ઠક્કર!’
લો ત્યારે
દીકરી તો શીખી ગઈ
હું હજી શીખું છું
કહેવતો અને રૂઢિ પ્રયોગની જેમ જ લોકગીતો પણ ગાગરમાં સાગર સમાવી લોકજીભે રમતાં હોય છે. પરંપરા, વિશાળ ફલકની ઘટના કે તત્કાલીન જીવનની કોઈ સંવેદનશીલ બીના લોકગીતની પ્રેરણા હોય છે. ગુજરાતી રેખ્તા ખાતે લોકગીતો સંદર્ભો સહિત મૂકવાનો પ્રયાસ રહ્યો છે. કેટલાક ગીતોની પ્રેરક કથાઓ ખૂટે છે. વાચકોને ઇજન છે કે તેમની પાસે કોઈ લોકગીત વિશે પૂરક માહિતી હોય તો અન્ય રસિકો તેમજ લોકગીતોના દસ્તાવેજીકરણ હેતુ એ માહિતી અમારી સાથે વહેંચે.
સ્રોત
- પુસ્તક : રાવણહથ્થો (પૃષ્ઠ ક્રમાંક 22)
- સર્જક : ઉદયન ઠક્કર
- પ્રકાશક : આર. આર. શેઠની કંપની
- વર્ષ : 2022