રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

કોઈ પૂછે

વિનુ બામણિયા ‘અતીત’

વિનુ બામણિયા ‘અતીત’

કોઈ પૂછે

વિનુ બામણિયા ‘અતીત’

Roman

કોઈ પૂછે

કોણ છો?

કેવા છો?

ત્યારે હું કહું

મારો બાપ ચકચકિત છરીથી

મરેલા ઢોરની ખાલ

થોડીક મિનિટોમાં વગે કરી દે

પણ હું?

કલમથી

ક્ષણોને, સમયને

રાતને, દિવસને

સંધ્યાને, આથમણા ઉઘાડને

ઝળહળતા ઉજાસને, આભાસને

કલમથી વેતરી નાખું છું

પૂછો-

આ સિવાય બીજા કોઈ

ઓળખ

વિશેષ કઈ હોઈ શકે!

સ્રોત

પુસ્તક : કવિ તરફથી મળેલી કૃતિ