રેખ્તા
હિન્દવી
સૂફીનામા
રાજસ્થાની
કોઈ મને અટકાવી દે તો?
koi mane atkawi de to?
પ્રીતિ સેનગુપ્તા
પ્રીતિ સેનગુપ્તા
તરવાના થાકનો
માછલીને
વિચાર જ ક્યાંથી હોય?
પંખીને તે વળી
ઊડવાનો કંટાળો?
મને તો એ જ ડર છે
કે પૂછ્યા વગર,
વિચાર્યા વગર,
શ્વાસ લેવાનો ભાર લાગતો હશે
એમ માનીને
કોઇ
મને અટકાવી દે તો?
સ્રોત
- પુસ્તક : આપણી કવિતાસમૃદ્ધિ (ઉત્તરાર્ધ) (પૃષ્ઠ ક્રમાંક 400)
- સંપાદક : ચન્દ્રકાન્ત ટોપીવાળા
- પ્રકાશક : ગુજરાતી સાહિત્ય પરિષદ
- વર્ષ : 2004