રેખ્તા
હિન્દવી
સૂફીનામા
રાજસ્થાની
ખાલી જગા
khaalii jagaa
અમૃતા પ્રીતમ
અમૃતા પ્રીતમ
માત્ર બે રજવાડાં હતાં -
એકે મને અને એને પદભ્રષ્ટ કર્યાં હતાં
અને બીજાનો અમે બંનેએ ત્યાગ કર્યો હતો.
નગ્ન આકાશની નીચે -
હું કેટલીયે વાર -
શરીરના વાદળમાં પલળતી રહી,
એ કેટલીયે વાર
શરીરના વાદળમાં પીગળતો રહ્યો.
પછી વર્ષોના મોહને -
એક ઝેરની જેમ પીને
એણે કંપતા હાથે મારો હાથ પકડ્યો.
ચાલ! ક્ષણોના માથા પર એક છત બાંધીએ
તે જો!
દૂર – સામે, ત્યાં
સાચ અને જૂઠની વચ્ચે - કંઈક જગા ખાલી છે...
(અનુ. હરીન્દ્ર દવે)
સ્રોત
- પુસ્તક : અમૃતાવિશેષ (પૃષ્ઠ ક્રમાંક 16)
- સંપાદક : સુરેશ દલાલ
- પ્રકાશક : ઇમેજ પબ્લિકેશન્સ
- વર્ષ : 1992