રેખ્તા
હિન્દવી
સૂફીનામા
રાજસ્થાની
કવિતા લખ
kawita lakh
આત્મારામ ડોડિયા
આત્મારામ ડોડિયા
જાગે નવો અલખ
તુંય કવિતા લખ
સદીઓ જેવી સદીઓ માથે કોરા કાગળ જેવી
ભૂંસી નાખ્યા સૂરજ તેની પીડા સળગે એવી
બળે ટેરવાં નખ
તુંય કવિતા લખ
સૌને સૂરજ સોનાનો ત્યાં, તારે ઘર અંધારું
કાગળ પરના સુખને ગાતું વાગે રોજ નગારું
દરિયા એવાં દખ
તુંય કવિતા લખ
રોવા કરતાં કહેવા સારી કહેવા કરતાં લખવી
ભીતર ભંડારેલી પીડા જીવતર નાખે થકવી
એકાંત ન વલખ
તુંય કવિતા લખ
સ્રોત
- પુસ્તક : ગુજરાતી દલિત કવિતા (પૃષ્ઠ ક્રમાંક 70)
- સંપાદક : નીરવ પટેલ
- પ્રકાશક : સાહિત્ય અકાદેમી
- વર્ષ : 2010