રેખ્તા
હિન્દવી
સૂફીનામા
રાજસ્થાની
કાગળની હોડી
kaagalnii hodii
વજેસિંહ પારગી
વજેસિંહ પારગી
દરિયો તો
દુનિયા ડુબાડી દે એવો
ને કવિતા તો
કાગળની હોડી.
કવિતા બહુ બહુ તો
આંગણામાં ભરાયેલા ખાબોચિયામાં
દરિયાનો અહેસાસ કરાવી શકે
કે હોડી તરતી મૂકતા બાળકનો વિસ્મય
આંખમાં આંજી શકે.
જો તરી જવાની મંછા ન હોય
ને ડૂબી જવાની ચિંતા ન હોય
તો કાગળની હોડીમાં બેસો!
સ્રોત
- પુસ્તક : ડાગળે દીવો (પૃષ્ઠ ક્રમાંક 19)
- સર્જક : વજેસિંહ પારગી
- પ્રકાશક : મહીસાગર સાહિત્ય સભા
- વર્ષ : 2024