રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

ચાલો

અનિરુદ્ધ બ્રહ્મભટ્ટ

અનિરુદ્ધ બ્રહ્મભટ્ટ

ચાલો

અનિરુદ્ધ બ્રહ્મભટ્ટ

Roman

ચાલો,

આષાઢનાં વાદળો તીડનાં ટોળાં બનીને

ધરતીને ચૂસી ખાય તે પહેલાં,

વિના મોતે મરેલાંની કબરો

હિમાલયના શિખરો બની જાય તે પહેલાં,

પ્રેમની વાતોથી

કવિતાના શબ્દોનો રંગ ફટકી જાય તે પહેલાં,

જાળ નાખીને

ચંચલ પાણીમાં સ્થિર ઊભેલો માછીમાર

ભગવાન બની જાય તે પહેલાં,

ચાલો,

ધરતીમાં ઢબુરાયેલા બીજને

આપણે મૃત્યુની કથા કહેવાની છે.

અને —

સ્રોત

પુસ્તક : કિમપિ (પૃષ્ઠ ક્રમાંક 31)
સર્જક : અનિરુદ્ધ બ્રહ્મભટ્ટ
પ્રકાશક : આર. આર. શેઠ
વર્ષ : 1983