જ્યારે તારે દ્વારે

જ્યારે તારે દ્વારે

જ્યારે તારે દ્વારે

આનંદ અને સ્મિતના ભર્યા

હોય ફુવારા ઊડતા ત્યારે

એક વાત તમે મનમાં રાખજો

કે ઝરતાં ખરતાં પાનની વચ્ચે

મેં ગાયું છે ગીત.

શૂન્ય વને ઘાસ સૂકાયું

અનાદર ને અવહેલનામાં,

ગયું વીતી રે મારું આયુ;

ત્યારેય તે મેં,

ઝરતાં ખરતાં પાનની વચ્ચે,

ગીતને ગાયું : ગીતને ગાયું.

ઊજળા દિવસના તમે પ્રવાસી,

આટલી વાતની યાદ તો રાખજો

કે સાંજનો દીવો હાથમાં ઝાલી,

એકલી રે હું રાતભર ચાલી

દૂર ક્ષિતિજથી સાદ આવ્યો જ્યારે

ત્યારે હું તો નીકળી પડી,

ભીંજેલ હૈયે

ઝરતાં ખરતાં પાનની વચ્ચે

મેં ગાઈ છે ગીતની કડી.

Jyare Tare Dware