રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
હું
hun
મણિલાલ દેસાઈ
મણિલાલ દેસાઈ
તારલામાં
કોઈની ટગરટગર જોઈ રહેતી આંખ શોધું
એટલો હું કવિ નથી.
શિયાળાની ઠંડીથી
સગડી સળગાવી હું બચી જાઉં છું,
પણ
એ રાતની એકલતા પર કવિતા રચતાં મને હજી
આવડ્યું નથી.
તમારી જેમ હું પણ
ઘડિયાળમાં છ વાગેલા જોઈને સવાર પામું છું;
ક્ષીણ થતી રાતરાણીની ગંધમાં
સવારનું આગમન મારાથી કળાયું નથી.
કોઈના ઈરમીશ જેવા પ્રેમને
આરસમાં કંડારી શકું એટલે ધનાઢ્ય નથી.
અને તેથી...
તેથી જ તો હું મણિલાલ ભગવાનજી દેસાઈ છું...
સ્રોત
- પુસ્તક : રાનેરી (પૃષ્ઠ ક્રમાંક 49)
- સર્જક : મણિલાલ દેસાઈ
- પ્રકાશક : ગૂર્જર ગ્રંથરત્ન કાર્યાલય
- વર્ષ : 1987
- આવૃત્તિ : 2