હાથ

યજ્ઞેશ દવે

હાથ

યજ્ઞેશ દવે

આ હાથ

આજે કોઈ પંખી નહીં પાડે,

કોઈ ધાન નહીં વાઢે,

કોઈ ઘડો નહીં ઘડે,

કોઈ ચિત્ર નહીં દોરે,

કોઈ સ્ક્રૂ નહીં ખોલે,

કે

નહીં ખોલે કોઈ વેબસાઇટ;

આ હાથ,

આજે, સ્પર્શશે તને.

હાથ પકડે, ઝાલે

પગ છોડે, ચાલે.

હું સ્પર્શું છું

મારા હાથને

કાશ

એ બીજાના હાથ હોત.

સ્પર્શ

સ્રોત

પુસ્તક : ગુજરાતી કવિતાચયન 2004 (પૃષ્ઠ ક્રમાંક 67)
સંપાદક : નીતિન વડગામા
પ્રકાશક : ગુજરાતી સાહિત્ય પરિષદ, અમદાવાદ
વર્ષ : 2007