રેખ્તા
હિન્દવી
સૂફીનામા
રાજસ્થાની
લે...!
le !
પ્રતિષ્ઠા પંડ્યા
પ્રતિષ્ઠા પંડ્યા
હું ક્યાંક પહોંચવા દોડતી રહી
તો એ લોકોએ મારી આગળ દોડતા
બધા રસ્તા તોડી નાખ્યા
હવે હું થોડી ધીમી ચાલતી હતી
મારા પગથી જ પગદંડી કંડારતી
તો એ લોકોએ મારા પગ કાપી નાખ્યા
હું હથેળીને બળે ને પૂંઠ ઘસડીને
હજુય આગળને આંબવા મથું
તો એ લોકોએ મારા હાથ કાપી નાખ્યા.
કપાયેલી ગરોળીની પૂંછડીની જેમ છટપટતું
હજુય જીવતું
બાકીનું ધડ લઈ
પેટે ઘસડાતી હું આગળ વધું
તો એ લોકોએ મારી પીઠમાં છૂરા ભોંક્યા.
હવે હું ઊડું છું
મુક્ત ગગનમાં
એમની નજરમાં વ્યાપ કરતાંય
બહોળો વિસ્તાર છે
મારી પાંખનો
તેં મને દોડતાં રોકી
લે, હું હવે ઊડું છું!
સ્રોત
- પુસ્તક : ળળળ... (પૃષ્ઠ ક્રમાંક 25)
- સર્જક : પ્રતિષ્ઠા પંડ્યા
- પ્રકાશક : નવજીવન સાંપ્રત
- વર્ષ : 2019