રેખ્તા
હિન્દવી
સૂફીનામા
રાજસ્થાની
એક કાવ્ય
Ek Kavya
મૂકેશ વૈદ્ય
મૂકેશ વૈદ્ય
સ્પર્શના જળમાં
હું માથાબૂડ ઊભો છું
ઝીણી માછલીઓની જેમ
કેટલાક અવાજો
મારાં જખ્મી અંગોને
કોતરી કોતરીને કરડી રહ્યા છે.
સૂરજનું લોહી
મારી બંધ આંખોમાં ઢોળાય છે.
કાંઠે નેતરના ઝૂંડમાં
ઘાસલ સુવાસના ભીના રૂપેરી ધુમ્મસે
પીળકના ટહુકા જેવા
ઘડીક સરવા થઈ ફફડી ઊઠતા
ફરી પાછા પાંખો બીડીને
મારા કાન ચાલે છે.
સ્રોત
- પુસ્તક : કવિતા - ફેબ્રુઆરી, 1980 (પૃષ્ઠ ક્રમાંક 11)
- સંપાદક : સુરેશ દલાલ
- પ્રકાશક : જન્મભૂમિ પ્રકાશન, મુંબઈ