રેખ્તા
હિન્દવી
સૂફીનામા
રાજસ્થાની
એક દરમાંથી
ek darmanthi
મણિલાલ દેસાઈ
મણિલાલ દેસાઈ
એક દરમાંથી
બીજા દરમાં જાય તેમ
બે સુંવાળાં સફેદ સસલાં
એક છાતીના પોલાણમાંથી કૂદી બીજીમાં ભરાયાં,
ક્ષિતિજ પરથી દરિયો તરી આવેલો સૂરજ
કપડાં નિચોવતો,
કિનારાની ભીની રેતીમાં પગ પાડતો,
પથ્થર પર આવી ઊભો.
પથ્થર ખસ્યો
ને પેલાં સસલાં કબૂતર બની
મોભની બખોલમાં ઊડી ભરાયાં,
ત્યારે
સૂરજ બે કાળી દીવાલો વચ્ચે ચગદાઈ ગયો.
સ્રોત
- પુસ્તક : રાનેરી (પૃષ્ઠ ક્રમાંક 43)
- સર્જક : મણિલાલ દેસાઈ
- પ્રકાશક : ગૂર્જર ગ્રંથરત્ન કાર્યાલય
- વર્ષ : 1987
- આવૃત્તિ : 2