રેખ્તા
હિન્દવી
સૂફીનામા
રાજસ્થાની
સામટા હણહણે છે
બોંતેર અશ્વો
મારી આસપાસ
ઘરઘરાટમાં ઊડે છે
થાકેલા અશ્વોના ફીણગોટા
કેટલું અંતર કાપીને આવ્યા હશે?
ધવલ
ફ્લેમીંગો જેવા
જાણે દેવતાઈ દૂત
તીરકામઠાંને બદલે બંદૂકો હશે
તેના ખભે
અટક્યાં અહીં
ખબર નથી આગળ જવાની
ટેકરી ચડ્યાં પછી ઊતરાતું નથી
શ્રધ્ધામાં કેદ
ગોઠવાઈ ગયા છે
હારબંધ
થાકેલા
ધવલ
બોંતેરા
(સપ્ટેમ્બર–૯૪)
સ્રોત
- પુસ્તક : ક્ષિતિકર્ષ (પૃષ્ઠ ક્રમાંક 19)
- સર્જક : વસંત જોષી
- પ્રકાશક : व्यंजना (સાહિત્યિક અભિગમની સંસ્થા)
- વર્ષ : 2000