રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ગમે કાદવ તો આવજે
game kadaw to aawje
કાનજી પટેલ
કાનજી પટેલ
આવજે મારા છાપરે
જઈશું કોતરે
ચડશું ડુંગરે
મારો માલ કાદવિયો
પથરાળો ને કાંટાળો
મારો માલ ખટવાયો
ઊકળ્યો કે માખણિયો
ચાર મહિને દાણો થાય
રેલ વરસી ને
ફૂટી વેલ
એ ડોડીનાં કૂણાં પાન
પાન પીધાં ને
આંખ અણિયાળી
તારો માલ લોઢાનો
તાંબા પિત્તળ સોનાનો
તું એને ઉકાળી પીએ
ના પૂછ હું આમ કેમ બોલું?
મારી બોલી કાદવિયા
પાણી માટીની ગોઠવણ
તું કોરેકોરો
ગમે કાદવ તો આવજે
સોનાં ખોઈને આવજે
સ્રોત
- પુસ્તક : દેશ
- સર્જક : કાનજી પટેલ
- પ્રકાશક : જોય બર્ક ફાઉન્ડેશન, અમદાવાદ
- વર્ષ : 2018