અરે યાર જો તો ખરો

સૂરજ વાદળથી ઢંકાઈ ગયો

ચંદ્રમા ઓગળી રહ્યો છે

કોઈ ટીબીના મરીજ જેમ

બે ડુંગર વચ્ચે અંધારું વછૂટ્યું

માયાવી અસુર જેવું

અને

પડછાયા ઊભા થયા આકાશને ગળી જવા

અરે યાર જો તો ખરો

આડાં પડ્યાં હસતાં ઝાડ

યુગોથી સાચવી રહ્યા ડુંગરના પેટમાં

કાણું પાડી ભૂત કાળજું જુવે છે

તેના સાતે રંગમાં સાતે રતન છે

એટલે ભૂવા, બાવા અને જાગરિયા

બધા જ ખપ્પર લઈ પાછળ પડી ગયા છે

અરે યાર જો તો ખરો

ગીધ આકાશ ફરી રહ્યો

ઘુવડ ડાબે બોલી રહ્યો

ફાલુડી વચ્ચે રાગડો ખેંચે

અને તને

ઊંઘ ઉપર ઊંઘ આવી રહી છે

આ પડછાયો અટકી જશે

ટીબી ચાંદને ખાઈ જશે

ડુંગર ખરી પડશે

રેતના ઢગ થશે

તું ક્યાં હોઈશ વિચાર્યું છે ખરું?

અરે યાર જો તો ખરો

ધનુષ્ય ચડાવ જરા

તીરો સવાર જરા

લોહી ચકાસ જરા

રંગ તો નથી બદલાયોને?

નહીં તો બધું વહેકાય જશે

ઝળહળતું બધું ઓલવાઈ જશે

પછી રહેશે

માત્ર અંધકાર!!!