રેખ્તા
હિન્દવી
સૂફીનામા
રાજસ્થાની
ઝીલો જળની ધારા
jhilo jalni dhara
હરિકૃષ્ણ પાઠક
હરિકૃષ્ણ પાઠક
ઝીલો જળની ધારા;
આજ છલ્યો દરિયો આકાશી તોડી સઘળા આરા,
ઝીલો ઝળની ધારા.
જળની રેલમછેલ મચી છે, જળની ઝીંકાઝીંક;
જળનો સાંઢ ચડ્યો તોફાને જોજો, લાગે ઢીંક!
પડ્યો નગારે ઘાવ, કાળના દ્હાડા ગયા અકારા;
ઝીલો જળની ધારા.
પડી તિરાડો પળમાં દેતા જળના રેલા સાંઘી,
સચરાચર કોળ્યું, જે બેઠું જીવ પડીકે બાંધી!
જળહળતું નભ જળથી, નીચે જળના ભર્યા ઝગારા!
ઝીલો જળની ધારા.
સ્રોત
- પુસ્તક : જળના પડઘા (પૃષ્ઠ ક્રમાંક 54)
- સર્જક : હરિકૃષ્ણ પાઠક
- પ્રકાશક : રંગદ્વાર પ્રકાશન
- વર્ષ : 1995