મગફળી ફોલનાર

મગફળી ફોલનાર

મગફળી ફોલી રહ્યાં છે દાંત

કચકચ ના કશી બીજી

હલે બે હાથ ને બે હોઠ રાતા (શાંત?)

હલચલ ના કશી બીજી

અહીં ફેલાયેલા બે પગ

–નળા લોખંડની બે નાળ શા –

વચ્ચે ખરે છે મગફળી ફોલાયલી

મુખયંત્રથી

ઓરી શકે ના એક પણ દાણ

ક્ષુધાતુર મુખ મહીં

ને સાંજ પડતામાં થતો ઢગ:

મગફળીના માંડ દાણા પાંચ પાલી

ફોતરાં બાકી રહેલાં

ઝણઝણે છે શૂન્ય–ખાલી!

તેલનું ટીપું નથી ઘરમાં

નથી પ્રસ્વેદમાં પણ તેલ સરખી વાસ,

રાતીચોળ રાતીચોળ મૂગી આંખથી

તણખા ઝરે તણખા ઝરે...

magaphli pholnar