રેખ્તા
હિન્દવી
સૂફીનામા
રાજસ્થાની
છાપું
Chhapu
લતા હિરાણી
લતા હિરાણી
છાપું
મારે ત્યાં રોજ આવે છે
સવારના પહોરમાં
હું એ ખોલતી નથી
ઘટનાઓ, સમાચારો
ખૂણેખાંચરેથી, ઠેરઠેરથી
એ જ કાળામશ...
હું એના પર પાથરી દઉં છું
લીલ્લાંછમ શાકભાજી
ચૂંટવા માટે,
ને ક્ષણિક
સંતોષ લઉં છું
કોઈ માસૂમ બાળાને ઢાંક્યાનો!
સ્રોત
- પુસ્તક : સાવ કોરો કાગળ (પૃષ્ઠ ક્રમાંક 12)
- સર્જક : લતા હિરાણી
- પ્રકાશક : ગૂર્જર પ્રકાશન, અમદાવાદ
- વર્ષ : 2024